Harry i Meghan stopama princeze Diane: Završiće posao koji prinčeva majka nije mogla

Princeza Diana, majka princa Harryja, bila je poznata po svojem dobrotvornom i humanitarnom radu, a posebno je angažovana bila na afričkom kontinentu. 

Davno preminula princeza nije uspjela završiti svoju misiju u Africi, razminirati južnoafričke države, no sada će njenim stopama krenuti Harry i njegova supruga vojvotkinja Meghan.

Par navodno detaljno planira veliku i dugotrajnu turu po Africi kako bi zajedničkim naporima napokon završili s projektom koji je princeza Diana započela. Podsjetimo, Diana je Angolu posjetila tek nekoliko mjeseci prije svoje tragične smrti 1997. u Parizu.

Na zahtjev Meghan i Harryja, kraljevska palata trenutačno provodi detaljnu istragu o bezbjednosnom stanju u Angoli kako bi se moglo utvrditi hoće li maleni Archie, prvo dijete Harryja i Meghan, s njima takođe krenuti na put.

Navodno bi kraljevska turneja trebala početi u Malaviju, proći Angolom, Bocvanom i ostalim južoafričkim državama.

Harryju ovo neće biti prvi put da ide u Afriku zbog humanitarnog rada. Naime, princ je već 2013. posjetio Cuando Cubango regiju Angole sa fondacijom čiji je pokrovitelj. Tom je prilikom iz prve ruke svjedočio razornom učinku mina na lokalne zajednice, a posjetio je i bolnice za one stradale od nagaznih mina.

Harry je rekao svojim bliskim prijateljima kako je spreman “završiti majčin posao” te krenuti njenim stopama put Afrike. Trenutno se razmišlja o planu da vojvoda i vojvotkinja od Sussexa provedu u Africi najmanje šest mjeseci godišnje.

“Ovdje se radi o tome da Harry želi odati počast Diani te svojoj ženi i sinu pokazati sva mjesta koja su ga odredila kao dječaka”, rekao je izvor blizak kraljevskom paru.

Izvor: dnevnik.hr Foto: Instagram