Oprezno sa ružičastim tonovima…

by | 27 Oktobra, 2020

Lucia Pica, kreativna make up direktorica za Chanel, prije nekoliko sezona napravila je mini revoluciju svojim crvenim sjenama za oči, pa je tako čak i na njihovom nalogu osvanula rečenica “Pink is the new red”. Njima su se vrlo brzo pridružile i sve varijacije ružičastih tonova, pa tako danas sve češće viđamo make up lookove sa ružičastim akcentima, a iako izgleda lijepo i sofisticirano, ružičasto je veoma zahtjevno za nošenje preko dana. 

Svijetao ten – bilo kakvo, makar i najmanje crvenilo na licu su već znak da se sa roze nijansama na očima nećete olako izvući i da efekat može lako da se približi onom koji imate kada ste neispavani ili na ivici da se razbolite. One će, umjesto da učine da djelujete ženstveno i meko, samo dodatno naglasiti bilo koji problem koji imate.

Stvari drugačije stoje ako imate taman ten, ali i tada će vam biti potrebna određena priprema.

Roze sjene nisu low key makeup look kakvim se čine. Prvi i osnovni korak jeste da odaberete ružičastu koja ima podton, koji apsolutno odgovara vašem tenu. Mnoge ružičaste sjene su baš iz tog razloga u paletama nijansi koje se međusobno slažu, a šminkeri nerijetko koriste i rumenila u ovu svrhu.

Ukoliko ste ovo sve usavršili, samo naprijed, zabava može da počne! Nježni veo boje za preko dana ili dodatak crvenog ruža za veče, sve je dozvoljeno, samo pazite na ova make up pravila i uživajte u novoj eri ženstvenosti.

Izvor: magazin.novosti.rs/Foto: Getty Images

 

Tagovi:

Chanel lucia pica make up ružičasti tonovi svijetao ten top