Kupujete nove cipele? Obratite pažnju na ove detalje!

Kupovina cipela zna biti prilično zeznuta stvar, posebno ako ste skloni hirovitoj kupovini, a onda kasnije shvatite da ste novac dali za još jedan par koji vam uopšte ne treba. Birajte pametno i uštedite slijedeći ove savjete.

1. Uporedite trošak i isplativost

Možda će vas razveseliti činjenica da ste cipele našli na sniženju, ali svejedno razmislite hoće li se i po toj cijeni trošak isplatiti. Dugoročno nećete imati koristi ako će cipele stajati u ormaru. Radije investirajte u čizme koje ćete nositi nekoliko puta nedjeljno, nego na cipele na sniženju koje ćete nositi dva puta, čak i ako je cijena manja 50 posto.

2. Cipele bi vam odmah trebale biti udobne

Nemojte pretpostavljati da će se s vremenom prilagoditi nozi, osim ako u pitanju nisu cipele za planinarenje ili kaubojske čizme. Većina cipela trebala bi vam biti udobna čim ih obujete.

3. Provjeravajte veličinu stopala

Poput ostatka tijela, veličina stopala se mijenja, tačnije povećava. U svakom stopalu nalazi se 26 kostiju i one se s vremenom mijenjaju. Ako hodate bosi, trudni ste ili nosite niske cipele, sve to može uticati na stopala. Zato kod svake kupovine cipela (ili svakih nekoliko godina) zatražite da vam izmjere stopala. Stručnjaci savjetuju kupovinu u poslijepodnevnim satima, kad su vam noge malo natečene.

4. Uštedite tako što ćete očistiti ormar za cipele

Već imate ormar pun cipela koje ne nosite? Ako su još uvijek u dobrom stanju, pokušajte ih prodati preko interneta ili pokloniti. Jednom kad ormar očistite, znaćete tačno čime raspolažete, pa nećete biti u napasti kupiti nešto što vam ne treba.

5. Umeci se isplate

Jeftin način da prilagodite cipelu svojem stopalu je korišćenje umetaka. Nisu skupi, a cipele će biti puno udobnije. Većina osoba s različitom veličinom stopala kupuje cipele koje odgovaraju većem stopalu, a veličinu manjeg prilagođava umecima.

6. Prava visina potpetice

Svako ima cipele za posebne prigode koje su ili previsoke ili previše napadne za svakodnevno nošenje. Najbolji izbor za vaše noge, garderobu i novčanik su cipele s potpeticom između dva i pol i četiri centimetra jer ćete ih daleko češće nositi. Ta je visina potpetice udobna, a i dalje vam daje profinjen izgled.

7. Koža štedi novac

Kožne cipele su skuplje, ali ako se dobro brinete o njima, trajaće puno duže od sintetičkih. Koža je takođe dobra za stopala jer ‘diše’ i prilagođava se stopalu. Cipele čuvajte u kalupima, očistite ih, namažite kremom, a potom ispolirajte i poprskajte sprejem za impregnaciju. Kao jeftiniju alternativu koži potražite poliuretan (PU), vještački materijal koji se još uvijek relativno dobro prilagođava stopalu.

Izvor: Magazin.net.hr